Бүген, 27 апрелдә, башҡорт теленән халыҡ-ара диктант яҙыуға мәҙәниәт хеҙмәткәрҙәре лә ҡушылды. Был акцияға быйыл 10 йыл, ул тәүге тапҡыр 2014 йылда ойошторолдо. Диктантты бергәләп яҙыу күңелле һәм матур тәэҫҫораттар ҡалдырҙы. Күркәм традицияға әүерелгән диктант яҙыу беҙгә әсә телебеҙҙе тағын да нығраҡ, тәрәнрәк өйрәнергә, белергә ярҙам итә. Бигрәк тә тарихыбыҙға, халҡыбыҙға ҡарата һөйөү уята. Диктант яҙыуға рус милләтенән булған хеҙмәттәштәребеҙ ҙә теләп ҡушылды.
